ગાંધીનગર। ભાજપા પ્રદેશ કાર્યાલય ‘શ્રી કમલમ’, કોબા ખાતે સૌરાષ્ટ્રના યુવા ખેડૂત આગેવાન રાજુભાઇ કરપડા પોતાના સેંકડો સમર્થકો સાથે ભારતીય જનતા પાર્ટીમાં વિધિવત રીતે જોડાયા હતા।
ગુજરાત પ્રદેશ ભાજપા મીડિયા વિભાગ દ્વારા જાહેર કરાયેલ માહિતી મુજબ, કાર્યક્રમ દરમિયાન પ્રદેશ મહામંત્રી અનિરૂદ્ધભાઈ દવેએ રાજુભાઇ કરપડાને ભાજપાનો ખેસ પહેરાવી પક્ષમાં આવકાર્યા હતા। આ પ્રસંગે પૂર્વ પ્રદેશ ઉપાધ્યક્ષ ગોરધનભાઈ ઝડફીયા, પ્રદેશ ઉપાધ્યક્ષ રસિકભાઈ પ્રજાપતિ, પૂર્વ મંત્રી જયસિંહભાઈ ચૌહાણ, પ્રદેશ મુખ્ય પ્રવક્તા ડૉ. અનિલભાઈ પટેલ તથા અગ્રણી ભરતભાઈ બોઘરા સહિતના આગેવાનો ઉપસ્થિત રહ્યા હતા।
કાર્યક્રમને સંબોધિત કરતાં રાજુભાઇ કરપડાએ જણાવ્યું હતું કે નરેન્દ્ર મોદી અને અમિત શાહના નેતૃત્વમાં કેન્દ્ર તથા ગુજરાત સરકાર ખેડૂતો માટે સતત કલ્યાણકારી યોજનાઓ અમલમાં મૂકી રહી છે। તે જ દિશામાં તેઓ ભાજપામાં જોડાઈને ખેડૂતોના હિત માટે વધુ અસરકારક રીતે કાર્ય કરવા ઇચ્છે છે।
તેમણે વધુમાં જણાવ્યું કે પ્રદેશ અધ્યક્ષ જગદીશભાઈ વિશ્વકર્માના માર્ગદર્શન હેઠળ તેઓ પક્ષના સમર્પિત કાર્યકર તરીકે
કાર્યરત રહેશે અને ખેડૂત કલ્યાણ માટે સતત પ્રયત્નશીલ રહેશે।
રાજુભાઇ કરપડાએ ગુજરાતના મુખ્યમંત્રી ભૂપેન્દ્રભાઇ પટેલ અને નાયબ મુખ્યમંત્રી હર્ષભાઈ સંઘવી દ્વારા કમોસમી વરસાદ બાદ ખેડૂતો માટે જાહેર કરાયેલા રાહત પેકેજ માટે આભાર વ્યક્ત કર્યો હતો। તેમણે જણાવ્યું કે રૂ. 25 હજાર કરોડના સહાય પેકેજથી ખેડૂતોને સીધી મદદ મળી છે, જે સરકારની સંવેદનશીલતા દર્શાવે છે।
આ કાર્યક્રમમાં વિવિધ સમાજના આગેવાનો અને મોટી સંખ્યામાં કાર્યકરો ઉપસ્થિત રહ્યા હતા, જેના કારણે સમગ્ર કાર્યક્રમ રાજકીય રીતે મહત્વપૂર્ણ બન્યો હતો।
બ્યુરો રિપોર્ટ: ગુજરાત પ્રવાસી ન્યૂઝ, અમદાવાદ